En graingne

Lai Memïn ât aidé de bon l’aigrun. Èlle ne se bote djemais en graingne. Èt poétchaint, èlle airait des côps bïn des réjons. Tot l’ contraire de sai p’tète-fèye, d’aivéje se dgentille, mais que peut pityaie des roingnes qu’an n’ lai r’coégnât pus. Èlle demainde en sai grant-mére: «Çoli ne t’ât djemais airrivè de t’engraingnie?»

– Ô, que chié, bïn des côps. Çoli airrive en tot l’ monde. i n’seus pe moyoue qu’ènne âtre.

– Le drie côp qu’ te t’es botèe en graingne, c’était tiaind?

– Hyie.

– Contre tiu?

– Contre moi. I v’lôs tchâss’naie èt peus

i n’eurtrevôs pus mes breliçhes. I âî chneuqè tot poitchot: dôs l’ yét, dains l’ tirou

d’ lai tieujènne, dains mon d’vantrie, dains mon mainté. I aî r’trovè l’étui, mains les brelitçhes, beurnitçhe! I m’ seus trâtèe de tos les noms d’oûejés. Véye dobe qu’ seus! Sôle de chneuquaie, i aî promis cent sous è sïnt Antoéne, te sais, çtu que que r’trôve ç’ qu’an ons predju. En péssaint d’vaint le grant mirou de mai tchaimbre, i m’seus raivoétèe. Èt qu’ât-ce qu’ vois? Mes breliçhes! I les aivôs tçh’ri poitchot, èt peus i les aivôs ch’ le meuté.

I aî pointè mon index ch’ lai tempe, èt peus i seus paitchi d’in grant écâtchèt.

I aivôs r’trovè mes brelitçhes, mains i en étôs po cent sôs.

Note

Memïn, grand-mère, terme affectueux (Vatré)

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique264