En lai jouây’rie

Source : Éric Ankli, Grandfontaine

Le Lèon èt lai Mairie déchendant de Bure en lai foire de Poérreintru. Ci maitïn-li, ès aint pris lai pochte. Le Léon, qu’ n’ât pus tot djûene, é pavou d’ condure, èt lai Mairie n’é p’ le pèrmis. Ch’ lai foire, lai Mairie aitchete des can’çons po son hanne èt peus ïn d’vaintrie po lée.

- Ç’ n’ât pus les foires qu’ nôs ains coégnues, hein, Mairie, que dit le Lèon. Çoli, c’était des foires! Te t’ sovïns di Guillaume Tell? Di père Botteron que f’sait ïn che bon toétché â fromaidge?

- Â p’tèt Café d’ lai Gare, les novés t’naincies en font di tot âchi bon, dit lai Mairie.

Le poiye di p’tèt Café d’ lai Gare ât bourrè. Ès aint aivu bïn di mâ de trovaie d’ lai pyaice. D’vaint qu’ de rentraie ès péssant en lai jouây’rie bèyie énne montre è répairaie. Lai Mairie rèvoéte d’aivô envieteince tos ces djouâyes, ces braich’lats èt ces collies èt yote raimoiyaince dains des mirous.

- Dis, Léon, çoli fait quairante ans qu’ nôs sons mairiès èt peus te n’ m’és dj’mais ran aitchtè.

Le Léon fait çtu que n’ veut p’ compâre:

- Te n’ m’aivais dj’mais dit qu’ t’ aivôs âtye è vendre.

Note: lai jouây’rie, la bijouterie

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique244