Ènne dgenâtche?

Lai Maria péssait poi lai vie téte béchie, sains bèyie l’bondjoué en niun. An dyait

d’ lée qu’ c’était ènne dgenâtche, qu’èlle aivait ïn gremoûere dains l’ tirou de sai tâle de neût èt qu’èlle poyéait faire le mâ. An n’yi coègnéchait âtiune poirentè.

An n’ poyéait p’yi bèyie ïn aidge.

È sai moûe, ses magres bïns feunent botés en vente en lai mije èt bradès è quasi ran. Mes poirents aint aitchtè des voirres qu’étaient bïn bés, i dais l’aivouaie. Mains nôs, les afaints, nôs ains touedge refujè de boire dains les voirres d’ lai djenâtche, ço qu’ nôs è vaiyu d’ étre chrègment taincies. «Qu’ât-ce qu’ès aint, ces voirres? dyé mai mére. Ès n’ sont p’empoûej’nès.» Lai mâssainne maij’natte de lai Maria feut détrute po élardgi lai vie.

I aî s’vent musè en çte Maria. Dev’ni aidyulte, i aî v’lu en saivoi ïn po pus chus çte mychtériouse fanne. I aî moénè mai p’tète entyète tchie des véyes dgens que l’aivïnt bïn coégnue. Ç’ât dïnche qu’i aî aippris qu’èlle feut ènne ènne bèlle djûene fèye, qu’èlle était tchoé aimoèrouse d’ïn hanne que l’aivait sédute èt aibaindnèe. Dâdon, èlle s’était ençhoûe dains l’ tchaigrïn.

Aidonc, lai Mairia, énne dgenâtche? Nian. Putôt ènne aimoérouse trompèe qu’aivait ïn temps craiyu â bonhèye.

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique228