Ïn pyeinteusse mâ éy’vè
© LQJ
En fïn de snainne, le train di soi de Biene è Poérreintru ât borrè. Des éyeuves, des ôvries, des fannes tchairdgies de cabas. Des viadgeous drassies dains l’allou s’aippeuyant cment quès poéyant. È Môtie, Ïn hanne monte tenyaint ènne botaye de biere en lai main. Èl ât pyein è n’ pus poéyait se t’ni chu ses tchaimbes. È s’en prend en ènne brave fanne écraijie dôs ses saits : « Bousse-te, lai Grôsse, qu’i m’sieteuche â long d’ toi. « Cment qu’èlle n’yi répond pe, è l’aidieucene aidé pus. En lai fïn, lai poûere daime n’y tïnt pus:
- Vôs saites en tiu vôs djâsèz ?
- I m’en fos.
- Vôs n’étes qu’ïn grôs mâ éy’vè.
- Èt peus toi, t’és peute. Pus peute an n’ trove pe.
- Èt peus vôs, vôs étes ïn pyeinteusse, ïn boiyou. Vôs chlïndyèz le chnaps. Vôs bredoéyies qu’an n’ vôs comprend pe.
- I seus d’aiccoûe. I aî pris ènne sacrée tyeute. Demain, i s’raî détyeutè. Mains toi, t’és peute, èt tyaind quân ât peute …
- Coidgietes-vôs !
An oûe dains le hât-djâso : «Prochain arrêt, Delémont.»
- Poétche-te bïn, lai Grôsse, i déchends.
Note
è l’aidieucene, il la harcèle;
aidieuç’naie, agacer, harceler.