Les bloûeches

D’après Alphonse Daudet

S’ vôs v’lèz saivoi c’ment nôs se sons ainmés po des bloûeches, i l’ vôs veus dire douçatement.

S’ vôs v’lèz saivoi c’ment l’aimoé vïnt aidé en dremaint, tchie les brunats èt les brunattes, en quéques mots voili c’ment nôs se sons ainmés po des bloûeches.

Mon onçha aivait ïn voirdgie. Les oûejés y v’nïnt maindgie. Moi i aivôs ènne tyujïnne, Mairiatte. Nôs s’ ainmïns sains y musaie.

Ïn maitïn, nôs se poûrmenïns dains le voirdgie d’aivô Mairiatte. Les oûejés tchaintïnt dains les braintches. Les près en véture de féte étïnt tot pyeins de biantches çhoés. Frâtche dôs sai petète câle, mai tyujïnne dgestityulait. Èlle sâtait, allait, veniait.

Airrivèe â fond di voirdgie, mai tyujïnne beûye les bloûeches, èt lai loitchouse en veut maindgie.

L’airbre ât bés. Sains se déraindgie, èlle en fait tchoère quéqu’yènnes. Èlle en prend ènne, èlle lai moûe èt, me l’euffraint: «Tïns !» qu’èlle me dit.

Mon poûere tiure baittait bïn foûe! Ce feut tot, mains ce feut prou. Ci frut me dyait bïn des tchoses.

S’i aivôs saivu ç’ qu’i sais !

I aî moûeju, vôs peutes me craire, ch’ les mairtçhes de ses roses maîrmes.

Ô, boénnes dgens, voili c’ment nôs se sons ainmés po des bloûeches.

Note

câle,bonnet de femme.

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique264