Les nids de dgerènnes

Source : Jean-Marie Voirol

Cment tchéque mois, le consèyè s’eurtrovait dains ïn poiye de lai mâjon d’écôle. Ès étaient cïntye d’avô l’ maire, ènne fanne èt quaitre hannes.
- Maidaime, Méchires, lai séaince ât euvie.
- Dépâdge-te, Maire, dit l’ pus djûene consèyie, è y é ïn matche ci soi en lai laivimaidge.
- Nôs n’ dairïns p’ en aivoi po grant. Èt peus, ci matche m’intérèsse aich’ bïn.

Le compte rendu d’ lai driere séaince feut aiccèptè sains âtre d’aivô des r’mèrchiements â graiy’nou. È feut quèchtion de grôs sous. Lai tyeumeune n’était p’ bïn rètche. En pus, è y aivait des tchairdges qu’an n’ poéyait r’botaie. Aiprès l’oûedre di djoué, an péssé és divers. Le maire rey’vé le croûye état d’ lai vie di cèm’tiere. « An m’ont raippoétchè qu’y é des nids de dgerènnes. Çoli d’vïnt daindgerou. I invite lai consèyiere è s’ rendre chu pyaice èt è nôs faire ïn raipport en lai séaince que vïnt.

Ïn mois pus taid, le consèye s’eurtrove. Les nids de dgerènnes fidyurant en boénne pyaice de l’oûedre di djoué.
- I vôs bèye lai pairôle, dit l’ maire en s’ viraint voi lai consèyiere.
- Eh bïn, i seus t’aivu voûere, qu’èlle dit, i aî fait è pie tote lai vie sans trovaie ènne seule dgerènne.

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique264