Paidge de graiy’nure

D’après Jacques Prévert

Dous èt dous quaitre, quaitre èt quaitre heute, heute èt heute faint saze... – Encoé ïn côp! dit le raicoédjaire. – Dous èt dous quaitre, quaitre èt quaitre heute, heute èt heute faint saze... Mains voili l’oujé-lyre que pésse dains le cie. L’afaint le voit, l’afaint l’oûe, l’afaint l’aippeule: Sâve-me, djue d’avô moi, l’oujé! Adonc l’oujé déchend èt djue d’aivô l’afaint.

– Èt saze èt saze, qu’ât-ce qu’ès faint ? – Ès ne faint ran saze èt saze, èt chutot pe trente-dous. Èt l’afaint é coitchi l’oujé dains son poulpitre, èt tos les afaints oûyant sai tchainson. Èt heute èt heute en yote touè s’en vaint, èt quaitre èt quaitre èt deux èt dous en yote touè fotent le camp èt yun èt yun ne faint ne ènne ne dous, yun poi yun s’en vaint aito.

Èt l’oujé-lyre djûe èt l’afaint tchainte, èt le raicoédjaire breûye: Tyaind qu’vôs airez fini de faire le sïndge! Mains tos les âtres afaints ôyant lai musitye, èt les murats d’ lai tyaisse déreutchant paîj’ment. Èt les vitres eurdev’nyant sabye, l’encre eurdevïnt âve, les poulpitres eurdev’nyant airbres, lai groûe eurdevïnt reutche, le poétche-pieume eurdevïnt oujé.

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique244