Piedre lai mémoûere

Èlle pie, çte poûere Zélie. Oh, ç’ n’ât encoé l’ décrâ, mains s’an peut railenti, è fât l’ faire. Èlle rébie ses rendèz-vôs. È fât yi raipp’laie d’ pâre ses catchas. Èlle ne se sovïnt pe de ç’ qu’an vïnt de djâsaie. Èlle n’airrive pus è cheudre ènne paitchie de câtches. Èlle é di mâ de r’trovaie le nom de dgens que poétchaint èlle coégnât bïn. Èlle raidote les meinmes hichtoires. Èlle ne r’tove pe ses aiffaires. Po les preutches, è y é de quoi se faire di tieusain. Ès l’aint quasi oblidgie è conchultaie.

 méd’cïn, èlle bredoéye: «Ès dyant qu’i pie.»
- Tiu çoli ?
- Mon hanne, mes afaints.
- Qu’ât-ce qu’ès aint r’mairtçhè?
- I rébie mes rendèz-vôs. I rébie d’ pâre mes catchas. I n’ me sovïns pe de ç’ qu’an vïnt de djâsaie. I n’airrive pus è cheudre ènne paitchie de câtches. I aî di mâ à r’trovaie le nom des dgens. I ne r’tove pe mes aiffaires.
- Dâ tyaind qu’è vôs sanne que vôs predgèz lai mémoûere ?
- Mains, Dottoé, tiu ât-ce que vôs é dit qu’i pie lai mémoûere ?

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique244