Sècte

Tiu ât-ce que l’airait craiyu que lai Brebre tchoérait dains ènne sècte? Lai Brebre poétchait bïn son churnom, poéche qu’èlle bret’nait aidé. Ce qu’èlle bret’nait, de la pityatte di djoué â meurcie di s’raye, c’était des prayieres. Èlle en récitè des ave maria, èlle en é égrenè des tchaip’lats.

Ïn bé djoué, èlle é dichpairu. An d’vait aippâre pus taid qu’èlle était tchoée dains ènne sècte. Aiprés chés mois de formation, èlle était prâte po l’ baptême. Èlle saivait mit’naint que Dûe aivait fait

l’ monde en ché djoués, qu’èl aivait prèy’vè ènne côtainne chu Adam po faire lai premiere fanne, que nos premies poirents feunent tcheussès di pairaidis.

È f’sait encoé neût tiaind qu’ lai Brebre

èt son bardgie airrivainnent è lai Gruère. Ès entrainnent dans l’étang. Le dyide lai prend poi l’ cô, lai pyondge dains l’âve, lai ryeuve èt yi d’mainde:

– Mai Sœur, èz-vôs vu le Seigneu?

Çoci trâs côps d’ cheute. Lai Brebre que grule èt que rétyeupe:

– Vôs étes chûr que ç’ât ci qu’è s’ât nayie?

Retrouvez et écoutez l’article complet et lisez sa traduction sur https://www.image-jura.ch/djasans/spip.php?rubrique264